人生路
人，從哇的一聲來到人間，向前行出的第一步，就是開始步向死亡！這是不變的定律！分別的是，路程是難行、好行？又不論難行好行，是否在愉快的行？
-
人，可以求添福延壽，但不可能求長生不老！
-
人，在生與死之間可以有很多的選擇，但人生的終點則不可改變！
-
今天能【活在當下】，可以讓日後的路更好走，更可以改變在到達終點時要面對的問題！
-
而最為重要的，是【終點】同時是一個【起點】，而這個起點的好與壞，全是視乎你如何走你這一條【人生路】！
-
借用一段經文共勉之：『是日已過，命亦隨減，如少水魚，斯有何樂?大眾當勤精進，如救頭燃，但念無常，慎勿放逸。』
posted by 華清 @ 1:22 p.m.
9 comments
9 Comments:
係呀 ...... 其實人生一開波已知是輸硬 ~
因為誰也不可永生 ,
不過 , 不要說永生/長命 , 命短少病痛
小弟已覺是萬幸了 ~_~
所以呢 , 小弟成日說 , 做人最好就是
(1) 享受到死 , 日日 happy
快樂不知時日到 ..... 正 !
如果做唔到日日 happy , 就最好是 ...
(2) 忙 x 到死 ! 就像小弟 , 呢年真是
忙到 ......朝 十晚至 零時 1/2點
冇停過 ...... 時間過得飛快 ,
一樣係至正o既人生 ^o^
做人最 x 街就係 on dog dog , 唔知
自己要做乜 , 渡日如年 , 好似我老豆 , 退左休 10 多年 , 見佢仍是一瞼愁眉苦臉, 有錢 , 身子不錯 , 有自己物業 (已供完 ) 咁樣都唔可以享受人生 , 令自己開心到終點 ... 真是令小弟無奈 , 每次想引領他去接受點新事物 , 令他擴闊生活空間 ...佢就講 : 唔洗喎 ..... 我都唔悶 ... 大把野攪 ! 真係吹 x 漲 !!! 只識一條友係大陸住 , 往年上過去一次 , 桌面一大堆書 , 什麼佛學 , 佛經 ...... 一大堆 ~_~
唉 ...... 真係多鬼魚 , 睇咁多都唔可以
令自己生活好一點 , 愉快一點 ...... 即是
消化唔到啦 ! 唔通我屋企放滿九陰真經 , 九陽神功 , 一陽指 ...... 就代表我好好打咩 ! ? 有次飯局 , 佢同我地大談養生之道 , 真係激 x 死我 ! 果日我o岩o岩就係想同佢講講養生之道 ..... 見佢講到胡說八道 , 我都冇佢咁好氣 .... 費事同佢o曹 >.<
冇眼睇 ! 冇眼睇 !
波仔 ~_~
生死之間，快樂與否當然重要。但我反而覺得到死個日，如果先發覺自己o既一生根本毫無意義，又或整個人生都是黑白的，沒有半點色彩，那就死都唔眼閉了！ :p
華清兄說得對 ...... 不過意義o既野
色彩o既野 , 非一般粉腸所能領會或做得到 ^o^
活得自然或順暢 , 對他們來說 , 已算是
( 高手 ) 了 ......
小弟近年雖然都算辛勞 , 肉體是吃了點苦
但心靈不知多快活 , 以前係大公司做野 ,
雖是中層管理人員 , 都只是一條話得少少
事o既狗 >.< , 宜家自己開間小店,全是
依照自己的心意去做 , 人家比面的是(我)
不是比面我係邊間野做 , 得到別人的支持及認同 , 就是代表自己夠食力 , 我成日同老婆講 , 坐係度個個都係叻仔 , 個個都係專家 , 一超身去做 , 10個有 9 個半都 x 街 , 班契弟為了自我肯定 , 只會大吹特吹來達到自我催眠自己係有料之人 .......
老婆有時話我好寸 .... 唉 ...... 其實真是 ....... 佢都唔明白 , 所謂寸 , 根本不是問題 , 問題只是你夠唔夠食力寸得起 , 自小弟開業以來 , 旁邊果間模仿我的擺設 , 對面果間居然照我的裝設 , 照造一個 , 真係 xxxx ! 咁你話 ~ 有冇食力 , 唔洗多講啦 ~ 我只是新丁o者 , 人家做了多年都要跟我 , 寸得超有餘啦 !!! ^___^
不過老實說 , 小弟不是搵到什麼大錢 ,
只是能按自己的心意及眼光搵到錢 ,
已經很開心很滿足了 , 我都只是一條大粉腸 ...... 對生活的意義層次 , 要求不高 ^^ 華清兄要行醫救人 ..... 意義重大得多了 ... 亦辛苦得多了 ^o^
波仔 ^o^
華清兄 .... 問多樣野
你知否上面 (章木頭) 的治安是否差了 ?
很多 , 聽說很多港人都撤退了 ~_~
又有些身上有公仔的人周街走 .... >.<
民工又多冇野做 .....
唉.......
波仔 ~_~
得到認同的確已是人生一大樂事，因為世上笨人多，識得欣賞自己，是証明他們不算太笨，亦証明自己的實力！
對！我都認為寸不是問題，寸得起就得！
個頭我唔熟 bor，有o野想上去攪？小心 d bor，最近有不少在上面混了十幾年的朋友都中了招，給人騙了一大筆，攪到好大鑊！
哈哈 ~ 如果我老婆睇到呢句 :
>>> 識得欣賞自己，是証明他們不算太笨
又會話你咁寸o架 ^^
唉 ... 其實對外 , 我根本冇寸過人
因為我沒有必要令其他人不快 , 二來 ...
我做乜要塞錢入你袋喎 ! ^____^
只不過 , 有時老婆會在店中協助我工作
錯漏百出 , 我不禁說 : 你假假地都是
一個管理人員 , 做野唔可以咁 ... 屎 !
有時藉此提點及示範要點 ... 點知佢就
話我寸 , 大佬 , 宜家唔係係家企耍花槍 !
出到去 , 分分鐘都係搏命o架 !
唔認真及專業 ...點羸其他人呀 ?
有時真係比佢激死 , 相信華清兄都有相
同經驗 , 本來一對一已夠秋 , 不過加
多個徒弟 , 反而阻頭阻勢比人打低 ! ^^
上面家家真係好混亂 , 我間中都會上
國內樟木頭的討論區看看 , 偷野打刧
已是家常便飯 , 不過近來大量民工冇
野做 , 情況可說是變得非常惡劣 ,
可是我老豆仍是喜歡係上面住 , 叫佢
安條電話線 , 上網保持聯絡 , 佢又唔
整 , o曹了很多次才買電話卡 , 不過
電話又唔係成日開 , 真是比佢吹啤漲 !
唉 ...... 惟有順其自然啦 ...... ~_~
波仔 <- 又病啦 >.<
唉！家家有本難唸的經，特別在香港這個怪地方，有時真係只好自求多福！
係o架！冇文化o既地方遇著經營差，自然就變成罪案多！叫老人家著得寒酸 d，唔好扮闊佬，越招遙越易出事！
我在大陸的朋友個個著到好似地盤佬咁，一d都唔起眼，咁就冇咁容易成為目標！
喂喂，你成日小小病，可能有 d 唔妥，最好去驗驗身，又或者搵個中醫把把脈，睇睇 d 臟腑有冇問題好 bor！
hehe ~
>>著得寒酸
放心 ...... 呢樣野係我地家族o既特色 ^^
唉 ..... 唔駛睇都知自己有 d 唔妥善
不過 ...... 要處理的事堆積如山
惟有等華清兄畢左業, 再同小弟詳細檢查 ^^
最大問題是...... 睡眠嚴重不足! >.<
小心身體啦！ ^_~
Post a Comment
<< Home